Многумина ги чуваат во фрижидер, но ладната и влажна средина всушност го забрзува нивното расипување и појавата на мувла. Со правилно складирање, можете значително да ја продолжите свежината на овој зеленчук, понекогаш дури и со недели или месеци, а истовремено да заштедите со помалку фрлена храна.
Најдобар начин за чување кромид и лук
Најефикасниот начин да ја продолжите свежината на кромидот и лукот е да ги чувате во хартиена кеса. Овој зеленчук природно содржи многу вода, а секоја дополнителна влага од околината го забрзува расипувањето. Фрижидерите, пак, често имаат високо ниво на влажност, а дополнителна влага испуштаат и други намирници што се чуваат во нив, како компир, печурки или листести зеленчуци.
Хартиената кеса пропушта воздух и обезбедува добра циркулација, со што влагата побрзо испарува и не се задржува околу зеленчукот. Така, кромидот и лукот остануваат суви, свежи и употребливи многу подолго.
Правилна постапка за складирање
За оваа метода ви е потребна само обична хартиена кеса.
- Направете неколку мали дупчиња на дното со ножици за подобар проток на воздух.
- Ставете го кромидот и лукот внатре.
- Чувајте ја кесата на темно, суво место, на пример во како кујнски шкаф.
Важно е да се избегнува директна сончева светлина, бидејќи таа го поттикнува ртењето, и може да го направи зеленчукот горчлив.
Со овој едноставен метод, кромидот и лукот можат да останат свежи повеќе од три недели.
Извор: odrzime.rs
